Ortigia #1 

Scinni Medoro, scinni!

da casa a scappatu ppi diriti ancora

ca a Luna spunta macari stasira!

Ammucciùni t’aspettu, di pizzu a Levanti

‘nto puntu cchiù scuru

unni l’occhi nun virunu e aricchi nun sentunu;

 

Nesci uòra Medoro,

ca a virità vistuta di suli  a notti sa spogghia

lèggia ppe stratuzzi a nura vola

u silenziu a cummogghia sutta ‘nlinzolu stiddatu

finu a ‘mmari ca ppi nuatri a canzuna cchiù rara sona

picchì l’occhi nun virunu e aricchi nun sentunu;

Senza scudi, spadi, armaturi e paramenti

Vasa a ducìzza di sta peddi di meli ciaurusu

signàmu a petra janca cco ciatu ammàliatu

cca vuci ca suspira desideriu pianu pianu

ccu l’amuri bramatu ca ni facemu sulu

quannu l’occhi nun virunu e aricchi nun sèntunu;

Nesci Medoro,

ca stasira a Luna è cchiù priziùsa,

s’addivittutu e n’ha fattu spittari

picchì è na fimmana capricciusa;

Scinni, Medoro ‘nnamuratu,

ca Angelica sempri torna e ha turnatu!

***********************************************************

 Traduzione 

Scendi Medoro, scendi!

Dalla mia casa sono scappata per dirti ancora

che la luna spunta anche stasera!

di nascosto ti aspetto in punta a Levante

nel punto più buio

dove gli occhi non vedono e le orecchie non sentono.

Esci adesso Medoro,

perchè la verità vestita di sole, poi di notte si spoglia

vola nuda leggera per le viuzze

e il silenzio la copre con un lenzuolo di stelle

fino al mare che per noi suona la canzone più bella

affinchè gli occhi non vedano e le orecchie non sentano;

Senza scudi, spade, armature e paramenti

bacia questa pelle di miele profumato,

incidiamo i muri bianchi con il fiato incantato

con la voce che sospira desiderio piano piano,

con l’amore bramato che facciamo solo

quando gli occhi non vedono e le orecchie non sentono:

Esci Medoro che la luna stasera è più preziosa,

si è divertita, ci ha fatto aspettare

perché è una femmina capricciosa;

scendi Medoro innamorato,

perché Angelica torna sempre ed è tornata!

#letteraturafemminile Poesia Sicilia #amore #canto #poesia dialetto poesiadialettale Poetry Sicilia